СБД, Туушин оффис, 3 давхар 313 тоо
info@travelmongolia.org
Өвлийн аялал жуулчлалын ууган эвент болох “Түмэн Тэмээний Баяр” арга хэмжээ 24 дэх жилдээ Өмнөговь аймаг Даланзадгад суманд зохион байгуулагдах гэж байна.
“Түмэн тэмээний баяр” арга хэмжээ нь зохион байгуулагдаж эхэлснээрээ тэмээ болон тэмээний өв соёлд олон нийтийн анхаарлыг хандуулж, хоёр бөхт тэмээний үнэлэмжийг нэмэгдүүлэхээс гадна өвлийн аялал жуулчлалыг хөгжүүлэх шилдэг менежмент болж чадсан билээ.ХӨТӨЛБӨР:
Хэзээ: 2023 оны 03 сарын 05 - 07 – ны өдрүүдэд
Хаана: Өмнөговь аймаг, Даланзадгад хот
03 сарын 05.
10:00 – 17:00 Тэмцээнд оролцогчдыг бүртгэх12:00 – 15:00 Шилмэл тэмээний дуудлага худалдаа14:00 – 17: 00 Зочид төлөөлөгчдийг угтаж авах, Даланзадгад хоттой танилцах аялал хийх.03 сарын 06.10:00 – 13:00 “Түмэн тэмээний баяр – 2023” наадмын тэмээн поло тэмцээний тоглолтууд10:00 – 12:00 Тайлаг тэмээний бооцоот уралдаан11:00 – 17:00 “Тэмээ миний найз гар зургийн уралдаан” ны бүтээлүүдийн үзэсгэлэн. "Өмнөговьд үйлдвэрлэв" дэлгүүрт.13:00 “Түмэн тэмээний баяр - 2023” наадмын нээлтийн ажиллагаа “Тэмээтэй парад жагсаал” –аар эхэлнэ. Тэмээний баярт ирсэн жуулчид, иргэд сайн дураараа тэмээтэй парад жагсаалд оролцож болно.13:00 – 15:00 “Гоё тэмээтэй сайхан хос”- ын тэмцээн явагдана.15:00 – 17:00 Тэмээтэй буухиа уралдаан явагдана 4х500 метр16:00–17:00 Тэмээн поло тэмцээний аваргын цомын төлөө шувтаргын 2 багийн тоглолт явагдана.18:00 – 21:00 Хүдэтгэлийн оройн зоог (төлбөртэй тусгай хөтөлбөр).20:00 – 22:30 Тэмээчид болон зочдод зориулсан нийтийн бүжиг. Хан – Уул зочид буудлын Бүжгийн танхимд03 сарын 07.09:00 – 12:00 “Түмэн тэмээний баяр – 2023” наадмын тэмээний уралдаанууд явагдана. Нас бие гүйцсэн Атан тэмээ, хоёр наст тэмээ буюу Тором уралдана.14:00 Тэмээчид малчдын авхаалж самбааг сорьсон Тэмээтэй буухиа тэмцээн үзнэ.16:00 Уралдаан тэмцээнүүдийн шагнал гардуулах ажиллагаа, хаалтын үйл ажиллагаа.ЗОХИОН БАЙГУУЛАХ КОМИСС
БОАЖЯ Хан-Уул дүүргийн 23 дугаар хороонд байрлах “Байгаль орчны судалгаа, шинжилгээний төв”-ийн байранд орсон байна. Утасны сүлжээ, холболтын ажлууд хийгдэж байгаа ба ирэх долоо хоногоос хэвийн горимд ажиллана.
Ажилтан, албан хаагчид 100 хувь нүүж ирсэн ба ажлаа хэвийн үргэлжлүүлж байна.
Байршил:Байгаль орчны сургалт, судалгааны төв
7711 6005 ext. 77116007
Монголд зочлох жилийн хүрээнд дараах арга хэмжээ зохион байгуулагдана
- ”Мөнгөлөг шагшуурга” мөсний баяр
- ”Хөх сувд” мөсний баяр
- ”Бүргэдийн баяр”
- “Түмэн тэмээний баяр” тус тус болно.
Visit Mongolia Year 2023 is on!
Here are the first events of the year:
"The Silver Reeds" snow and ice festival,
@Khar-Us lake, Khovd Aimag
Jan 21-22
"Blue Pearl" ice festival
@Khuvsgul Lake, Khuvsgul Aimag
Mar 01-06
"Eagle" festival
@Ulaanbaatar
Mar 04-05
"Ten Thousand Camel" festival
@Umnugobi Aimag
Mar 06-07
With exciting events all year round it's the perfect time to visit Mongolia!
Монгол Улсын Засгийн газар 2023, 2024, 2025 оныг Монгол Улсад зочлох жил болгон зарласантай холбогдуулан өвлийн аялал жуулчлалыг дэмжих, хөгжүүлэх зорилго дор "ХАР-УС НУУРЫН МӨСНИЙ БАЯР"-ыг энэ сарын 21-ны өдөр Ховд аймагт зохион байгуулах гэж байна.
Арга хэмжээний хүрээнд угсаатнуудын баярын жагсаал, монгол туургатны “Мөсөн сур”-ын харваа, монгол шагайн наадгай, мөсний барилдаан, “Ice drift” уралдаан, бүргэдийн үзүүлбэр, “Тэмээчин”, “Адуучин” тэмцээн, “Алтайгаа магтъя” язгуур урлагийн тоглолт, “Олон угсаатны өвлийн гоёл” наадам, морин чарга, чарга тэшүүрийн үйлчилгээ, морь, тэмээ унуулах үйлчилгээ, хоол ундны худалдааны үйлчилгээ зэрэг тэмцээн уралдааныг зохион байгуулах юм.
Мөн Монгол Улсад зохион байгуулах эвент арга хэмжээний хуанли батлагдсаны дагуу шинэ оны хамгийн эхний гадна, дотнын жуулчдад зориулсан арга хэмжээ гэдгээрээ онцлог юм.
Ерөнхий зохион байгуулагчаар Ховд аймгийн засаг даргын тамгын газар ажиллаж байна.
Welcome to Mongolia
Аялал жуулчлал, агаарын тээврийн хамтран ажиллах нөхцөлийг сайжруулах зорилгоор өнөөдөр буюу нэгдүгээр сарын 11-нд МИАТ ТӨХК “Аялал жуулчлалыг дэмжих тусгай тариф”-ыг танилцуулж, Монголын аялал жуулчлалын холбоотой санамж бичиг байгууллаа.
Бид энэ талаар МИАТ ТӨХК-ийн Гүйцэтгэх захирал Б.Мөнхтамиртай ярилцлаа.
-МИАТ компани аялал жуулчлалын компаниудтай яаж хамтарч, салбарын хөгжилд хэрхэн түлхэц өгч ажиллаж байна вэ?
-Өнөөдөр МИАТ компани, Монголын аялал жуулчлалын холбоо харилцан ойлголцлын санамж бичигт гарын үсэг зурлаа. Хоёр байгууллага өнгөрсөн жилүүдэд тогтмол байнгын ойлголцолтойгоор хамтран ажилласаар ирсэн.
МИАТ компани аялал жуулчлалыг дэмжих үүднээс өнгөрсөн 2022 онд Аялал жуулчлалын тусгай тарифыг баталсан. Энэ тарифын хэрэгжилт төдийлөн сайн байсангүй. Өнөөдөр бид хаана, юунд алдав, яаж сайжруулах нь зүйтэйг хэлэлцлээ.
Монгол Улсын Засгийн газраас эдийн засгийг хөгжүүлэх томоохон салбар нь аялал жуулчлал хэмээн тодотгон зарласан. Улмаар 2023-2025 оныг "Монголд зочлох жил" болгон, нэг сая жуулчин хүлээн авах зорилт тавьсан. Энэ зорилтын хүрээнд аялал жуулчлалын болон агаарын тээврийн компаниуд хоорондоо ямар хамтын ажиллагааг өрнүүлэх, харилцан ашигтай байхад хэрхэн анхаарах талаар зөвлөлдөж байна. Үүнд аялал жуулчлал болон тээврийн салбарын аль алиных нь үүрэг, оролцоо маш чухал.
АНУ РУУ НИСЛЭГ НЭЭХЭЭР ТӨЛӨВЛӨЖ БАЙНА
-Өнөөдөр гол сэдэв болгон хэлэлцэж буй тусгай тарифын талаар мэдээлэл өгөөч?
-Зуны ид ачааллын буюу 6, 7, 8 сард биш, бусад үеүдэд аялал жуулчлалыг хөгжүүлэх орон зай дутагдаад буй. Зуны цагт буюу Монголын цаг агаарын нөхцөл байдалтай холбогдуулан 6-9 сард жуулчдын хөдөлгөөн тасардаггүй. Агаарын тээврийн компаниуд суудлаа гаргаж дийлэхгүй ачаалал үүсдэг. Үүнтэй холбоотойгоор бид аялал жуулчлалынхад зориулсан тусгай тариф гаргаж байна.
Тухайлбал, Монгол Улсад ирэх жуулчдад зориулсан өвлийн цагийн хуваарь гаргаж байгаа. Засгийн газрын бодлогын хүрээнд 2023 оны турш зохион байгуулах эвентүүдэд оролцох жуулчдыг хөнгөлөлттэй үнээр авчрах юм. Жуулчид зочид буудлуудад буух, хоол идэхээс эхлээд олон чиглэлд эдийн засгийн үр нөлөө үзүүлдэг.
2023 онд МИАТ компани 23 мянган цагийн нислэг хийж, 750 мянга орчим суудлыг зах зээлд гаргана хэмээн тооцож байна. Цар тахлын өмнөх оргил үед бид жилд 19 мянга орчим цаг нисэж байсан. Харин энэ жил даруй 4 мянган цагаар их буюу МИАТ компанийн түүхэнд байгаагүй том зорилт тавилаа.
Сөүл хотын чиглэлд долоо хоногийн 20 цагийн нислэг хийнэ. Долоо хоногт Франкфурт руу зургаа, Истанбул руу дөрөв, Бээжин рүү 11 нислэг хийхээр төлөвлөж байна.
Агаарын тээврийн либералчлал эрчимтэй байгаа энэ үед МИАТ компани бусад агаарын тээврийнхнийг дэмжих бодлогыг орхигдуулаагүй. Үүнээс гадна, ойрын ирээдүйд бид АНУ руу нислэг нээхээр төлөвлөж байна. 2024 оны нэг, хоёрдугаар улиралд тус нислэгийг нээх төлөвлөгөөтэй ажиллаж байгаа. Үүнтэй холбоотойгоор 2023 оны зуны ид ачааллын үеэс өмнө МИАТ компани өргөн биетэй онгоц авчирна. Энэ онгоцоор холын нислэгүүдийг хийнэ. Тэгэхээр онгоцны дутагдал үүснэ гэх ойлголт байхгүй болно.
Сөүл хотын чиглэлд долоо хоногийн 20 цагийн нислэг хийнэ. Долоо хоногт Франкфурт руу зургаа, Истанбул руу дөрөв, Бээжин рүү 11 нислэг хийхээр төлөвлөж байна.
-Тийзний үнэ бусад улсуудтай харьцуулахад өндөр байдаг гэх шүүмжлэл дагуулдаг.
-Жуулчдад зориулсан өвлийн цагийн хуваарийн тусгай тариф дундаж тарифаас 50 орчим хувь хямдралтай байх юм. Бид тийзний үнийг бүрэлдүүлдэг шатахуун, онгоцны түрээсийн асуудал дээр маш сайн ажилласан. 2022 оноос бид шатахууныг харьцангуй хямд үнээр авдаг болж эхэлсэн. Монгол Улсын Засгийн газар, УИХ-ын дэмжлэгээр хуульд өөрчлөлт орсон.
Үүнтэй холбоотойгоор агаарын тээврийн компаниудын тийзний үнэ гаднынхтай харьцуулахад өндөр байгаа хэдий ч өмнөхөөсөө харьцангуй хямд үнээр шатахуун авч эхэлсэн. Жишээлбэл, Улаанбаатар-Истанбул чиглэлд тарифыг 1.8 сая төгрөг болгосон.
2022 оны дөрөвдүгээр сард МИАТ компани Улаанбаатар-Истанбул шинэ чиглэлийг нээхээс өмнө үнэ хамгийн хямд нь 3.8 сая байсан. Өнөөдөр энэ үнэ 1.8 сая болж, хоёр тээш ачаа авч явж болох хөнгөлөлтүүдийг ч зарласан. Энэ нь тийзний үнэ эрчимтэй буурч байгаагийн нэг жишээ. Бусад чиглэлүүдэд ч тийзний үнэ дагаж буурах төлөвтэй байна.
Энэ тарифыг ашиглах жуулчид тодорхой эвентэд оролцох зайлшгүй шаардлагатай, хамгийн багадаа дөрвүүлээ Монгол Улсад зорчих гэх мэт шаардлага бий.
-Санамж бичиг байгуулснаар тусгай тариф үйлчилж эхлэх үү. Хэзээнээс хэрэгжих вэ?
-Санамж бичгийн гол заалтад, тусгайлан ажиллахдаа гэрээ байгуулсны үндсэн дээр ажиллахыг тусгасан. Цаашдаа Монгол Улсад аялал жуулчлалыг хөгжүүлэх чиглэлд МИАТ компани дэмжиж ажиллана гэх агуулгатай санамж бичиг юм. Ямар нэг гэрээ хийгдээгүй.
Санамж бичгийн хүрээнд Аялал жуулчлалын холбоотой тохироод, уулзаад, тал талын саналаа хэлэлцсэн. МИАТ компани өөрсдөд ашигтай талаа мөн харах ёстой. Аялал жуулчлалыг дэмжинэ хэмээгээд өөрсдөө алдагдалтай ажиллаж болохгүй. Бид харилцан ашигтай байдлаар ажиллана.
-Тусгай тариф заавал аялал жуулчлалын компаниар дамжин ирж буй жуулчдад хамаарах уу?
-Заавал компаниар дамжсан биш, бүх жуулчдад үйлчилнэ гэж ойлгож болно. Аль нэг компанид давуу эрх олгож болохгүй. Тэгэхээр бүгдэд нь эрх тэгш байдлаар тусгай тарифын үйлчилгээг зохицуулах шаардлагатай. Тиймээс тусгай тарифыг хэрэгжүүлэх журмыг танилцуулж буй. Энэ тарифыг ашиглах жуулчид тодорхой эвентэд оролцох зайлшгүй шаардлагатай, хамгийн багадаа дөрвүүлээ Монгол Улсад зорчих гэх мэт шаардлага бий.
Гадаадад сурч, ажиллаж, амьдардаг монголчууд эх орондоо найзыгаа авчрахад ямар хөнгөлөлт үзүүлэх вэ. Бид яагаад энэ хөнгөлөлтийг яриад байна вэ гэхээр, агаарын тээврийн бизнесийн онцлог нь хоёр зүйлээс шалтгаалдаг. Суудал дүүргэлт маш чухал. Хэрвээ суудал хоосон нисээд байвал ашиггүй, алдагдалтай байна. Суудал дүүргэлт сайн байвал бид үүнийг дагаад үнийг бууруулаад эхэлнэ. Үнийг бууруулж, суудлаа дүүрэн байлгах бодлого бий.
-Ярилцсанд баярлалаа.
-Баярлалаа.
МИАТ ТӨХК-ийн Гүйцэтгэх захирал Б.МөнхтамирАялал жуулчлал, агаарын тээврийн хамтран ажиллах нөхцөлийг сайжруулах зорилгоор өнөөдөр буюу нэгдүгээр сарын 11-нд МИАТ ТӨХК “Аялал жуулчлалыг дэмжих тусгай тариф”-ыг танилцуулж, Монголын аялал жуулчлалын холбоотой санамж бичиг байгууллаа.
Тухайлбал, МИАТ ТӨХК зуны ид ачааллын буюу 6-9 сараас бусад үед Монголд аялах, “Монголд зочлох жил”-ийн хүрээнд зохион байгуулах эвентүүдэд оролцох жуулчдын нислэгийн тарифт 50 хувь хүртэлх хөнгөлөлт үзүүлэх аж. Энэ талаар МИАТ ТӨХК-ийн Гүйцэтгэх захирал Б.Мөнхтамир “Монгол Улсад ирэх жуулчдад зориулсан өвлийн цагийн хуваарь гаргаж байгаа. Засгийн газрын бодлогын хүрээнд 2023 оны турш зохион байгуулах эвентүүдэд оролцох жуулчдыг хөнгөлөлттэй үнээр авчрах юм. Жуулчид зочид буудлуудад буух, хоол идэхээс эхлээд олон чиглэлд эдийн засгийн үр нөлөө үзүүлдэг.
2023 онд МИАТ компани 23 мянган цагийн нислэг хийж, 750 мянга орчим суудлыг зах зээлд гаргана хэмээн тооцож байна. Цар тахлын өмнөх оргил үед бид жилд 19 мянга орчим цаг нисэж байсан. Харин энэ жил даруй 4 мянган цагаар их буюу МИАТ компанийн түүхэнд байгаагүй том зорилт тавилаа.
Агаарын тээврийн либералчлал эрчимтэй байгаа энэ үед МИАТ компани бусад агаарын тээврийнхнийг дэмжих бодлогыг орхигдуулаагүй. Үүнээс гадна, ойрын ирээдүйд бид АНУ руу нислэг нээхээр төлөвлөж байна. 2024 оны нэг, хоёрдугаар улиралд тус нислэгийг нээх төлөвлөгөөтэй ажиллаж байгаа. Үүнтэй холбоотойгоор 2023 оны зуны ид ачааллын үеэс өмнө МИАТ компани өргөн биетэй онгоц авчирна. Энэ онгоцоор холын нислэгүүдийг хийнэ. Тэгэхээр онгоцны дутагдал үүснэ гэх ойлголт байхгүй болно.
Сөүл хотын чиглэлд долоо хоногийн 20 цагийн нислэг хийнэ. Долоо хоногт Франкфурт руу зургаа, Истанбул руу дөрөв, Бээжин рүү 11 нислэг хийхээр төлөвлөж байна” хэмээлээ.
-Монголын аялал жуулчлалын холбооны ерөнхийлөгч Д.Гантөмөр
-Монголын аялал жуулчлалыг агаарын тээврийн хамтын ажиллагаагүйгээр төсөөлөхийн аргагүй. Зөвхөн зун жуулчид ирдэг хэмээн бусад хугацааг нь орхивол Монголын аялал жуулчлалын салбар хөгжихгүй. Тиймээс бид зуны бус үед хэрхэн бүтээгдэхүүнээ сайжруулах вэ, жуулчид Монголд ирээд юу сонирхох, ямар онцлогтой бүтээгдэхүүн байхыг тодорхойлох, Монголыг зориод ирсэн хүмүүст ямар үйлчилгээ бий болгохыг илүү их ярьж, бодлого, чиглэлийг тодорхойлж байна.
Тухайлбал, Засгийн газраас эвент календарийг баталсан. Сар бүр хоёроос доошгүй эвент болох юм. Тэмээний, мөсний баяр хийнэ гэдэг. Гэтэл жуулчин Монголд яаж ирэх нь агаарын тээврээс шууд хамааралтай. Гуравдугаар сард ирэх жуулчин ид ачааллын зургаадугаар сард ирэх жуулчинтай адил үнэ төлөхөд хэцүү. Тиймээс зуны бус улиралд агаарын тээврийг хэрхэн зохицуулж ажиллаж болох талаар МИАТ ТӨХК манлайлал үзүүлж байна.
Агаарын тээвэр дээр үндэслээд төмөр зам, зочид буудал зэрэг томоохон үйлчилгээнд дандаа барьцаа авдаг. Цаашдааг барьцааг яах юм, багцын үнийг хэрхэх, үнийн ялгаа яаж бий болох зэрэг нарийн зүйлүүд зөндөө бий. Энэ бүх хүндрэлтэй зүйлсийг дотор нь задалж, аялал жуулчлалын салбарынхан юу хүсэж байна, агаарын тээврийнхэн ямар шаардлага стандарт тавьж буйг багцалж “Монгол дахь аялал ба агаарын тээврийн багц” үйлчилгээг санал болгож, энэ талаар хамтран ажиллах болж буй нь өнөөдрийн үйл ажиллагааны гол зорилго юм.
-Өвлийн аялал жуулчлалыг хөгжүүлэхэд хэрхэн анхаарч байна вэ?
-Монголд өвөл ирэх жуулчдын нислэгийн үнэ, худалдан авах нөхцөл, барьцаа, зээл зэргийг хөнгөн болговол МИАТ компаниар дамжиж Монголд ирэх гаднын зорчигчийн урсгал нэмэгдэх болов уу гэж харж байна. Аялал жуулчлал олон салбарын менежментийн дундаас явагддаг. Онгоцны асуудал хөнгөвчлөгдөөд бусад нь зогсонги байвал бас хэцүү.
Өвлийн аялал аюулгүй байдал, тохь тухаас хамааралтай.
-“Гангаамаа Экспедишинс” компанийн үүсгэн байгуулагч Б.Гангаамаа:
-Манай компани аялал жуулчлалын салбарт тийм ч олон жилийн туршлагатай биш. Ерөнхийдөө энэ салбарт эхлэлээ тавин ажиллаж байна. “Монголд зочлох жил”-ийн хүрээнд хийж буй ажлууд оновчтой шийдэл хэмээн харж байгаа. МИАТ компани бол Монголд жуулчид ирэхэд хамгийн том гүүр болдог. Тиймээс энэ компанийн санаачилга цаашид үр өгөөжөө өгнө хэмээн найдаж байна. Гэхдээ сайжруулж, шинэчлэх шаардлагатай зүйлс бий. Хөнгөлөлттэй тарифаар үйлчлэхдээ нислэгээ тогтмол байлгах, цагийн хуваарь, үйлчилгээний соёл зэргийг цогцоор нь өндөр түвшинд байлгах шаардлагатай.
-“Номадс турс экспедишн” ХХК-ийн ахлах менежер П.Гантулга:
-Манай компани 1995 оноос эхлээд аялал жуулчлалын салбарт ажиллаж эхэлсэн, Германы хөрөнгө оруулалттай байгууллага юм. Манай жуулчдын 70-90 хувь нь Европоос ирдэг. Бид маш олон жил МИАТ компанитай хамтарч ажиллаж байна. Энэ жилд жуулчдад тусгай тариф гаргаж байгааг талархууштай хүлээн авлаа.
МИАТ ТӨХК, Монголын аялал жуулчлалын холбоотой байгуулсан санамж бичгийн гол заалтад, гэрээ байгуулсны үндсэн дээр ажиллахыг тусгажээ. Тиймээс энэ нь цаашдаа Монгол Улсад аялал жуулчлалыг хөгжүүлэх чиглэлд МИАТ компани дэмжиж ажиллана гэх агуулгатай санамж бичиг юм хэмээн тус компанийн Гүйцэтгэх захирал Б.Мөнхтамир яриандаа онцолсон юм.
-143742-1376952981.jpeg)
эх сурвалж:https://gogo.mn/
•Монгол улсын засгийн газраас “Алсын хараа 2050” хөтөлбөрийн зорилт, 2023-2024 оныг Монгол улсад зочлох жил болгон зарласантай холбогдуулан Гадаад улсаас ирэх жуулчдын урсгалыг нэмэгдүүлэх шаардлагатай зорилгыг хэрэгжүүлэх аялал жуулчлал, агаарын тээврийн хамтран ажиллах нөхцөлийг сайжруулж салбар хоорондын уялдааг хангах, сурталчлан таниулах агаарын тээвэр, аялал жуулчлалыг хөгжүүлэх, бизнес эрхлэгч аялал жуулчлалын тур оператор компаниудыг дэмжин ажиллах юм.
•Тус уулзалтаар МИАТ-компантийн 2023 оны үйл ажиллагааны танилцуулга, ТО -уудад өгөх хөнгөлөлттэй үнийн тариф, нислэгийн хуваарь зэрэг олон мэдээллийг танилцуулж байна
БОАЖ-ын сайд Б.Бат-Эрдэнэ БНСВУ-аас Монгол Улсад суугаа Элчин сайд Зоан Хань Дамыг хүлээн авч уулзлаа.
Уулзалтаар хоёр улсын хооронд агаарын тээврийн шууд нислэгийн тоог нэмэгдүүлэх талаар хөндлөө. Мөн хоёр улс аялал жуулчлалын сурталчилгааг харилцан идэвхжүүлж, соёлын өдрүүдийг хамтран зохион байгуулах талаар тохиролцов.
Энэ үеэр НҮБ-ын Ази, Номхон далайн эдийн засаг, нийгмийн комисстой хамтран 2023 оны 3 дугаар сарын 2-3-нд Улаанбаатар хотноо зохион байгуулах Ази, Номхон далайн Агаарын бохирдлын эсрэг Өндөр хэмжээний уулзалтын урилгыг Элчин сайдад гардуулан өгөв.
Уг өндөр хэмжээний уулзалтад НҮБ-ын Ази, Номхон далайн эдийн засаг, нийгмийн комиссын гишүүн 53 орны төлөөлөгчид оролцох бөгөөд бүс нутгийн хэмжээнд агаарын бохирдлыг бууруулах хүчин чармайлтыг нэгтгэж, энэ чиглэлээрх хамтын ажиллагааг эрчимжүүлэх зорилготой аж.
БОАЖ-ын сайд Б.Бат-Эрдэнэ мөн БНСВУ-аас Монгол Улсад суугаа Элчин сайд Зоан Хань Дамыг 3 дугаар сард Хөвсгөл аймагт зохион байгуулах “Хөх сувд” мөсний баярт урилаа