СБД, Туушин оффис, 3 давхар 313 тоо
info@travelmongolia.org
Европын холбооны ERASMUS+ төслийн санхүүжилтээр Монгол Улсын дээд боловсролын тогтолцоонд нэвтрүүлэх төслийг хөтөлбөр хэрэгжүүлэгч их дээд сургуулиуд, БШУЯ, аялал жуулчлал, банкны салбарын ажил олгогчдын төлөөлөл Европын холбооны их сургуулиудын тэргүүн туршлага дээр үндэслэн, хамтран хэрэгжүүлж байгаа билээ.
Төслийн хүрээнд аялал жуулчлал болон банк, даатгалын чиглэлээр сургалтын үйл ажиллагаа явуулдаг Монгол Улсын их сургуулиуд ажил олгогч талуудтай хамтран ажлын байранд суурилсан сургалтын арга зүйг нэвтрүүлэх төслийг хэрэгжүүлж, гарсан үр дүн, туршлага, сургамжийн талаар дүгнэн хэлэлцлээ. МАЖХ-ны Менежер Д.Энхцэцэг Аялал жуулчлалын хөтөлбөрт ажлын байранд суурилсан сургалтын хөтөлбөрийг хэрэгжүүлсэн туршлага, цаашид хийх ажлын төлөвлөгөөг оролцогч талуудад танилцууллаа.
Монголын Аялал Жуулчлалын холбоо нь 2022-2023 оны хичээлийн жилд АБСС хөтөлбөрт 5 их сургуулийн аялал жуулчлалын хөтөлбөрөөр суралцаж буй нийт 97 оюутныг цалинтай дадлагт хамруулсан болно.
Хэлэлцүүлэгт Европын холбооны олон улсын түншлэгч байгууллагаар ХБНГУ-ын Эдийн засаг, эрхзүйн их сургууль, Франц улсын Льюмер Лионы их сургууль, Румын улсын Трансилваниа Брасовын их сургууль, Грек улсын Македонийн их сургууль, болон Монгол улсаас БШУЯ, Отгонтэнгэр их сургууль, СЭЗИС, ХААИС, СУИС, Дорнод их сургууль, ажил олгогч байгууллагуудын төлөөлөл Голомт банк, Төрийн банк, Аялал жуулчлалын холбоо зэрэг байгууллагууд оролцож, цаашид АБСС-ыг Монгол улсын Дээд боловсролын тогтолцоонд нэвтрүүлж, сайн туршлагыг түгээн дэлгэрүүлэх чиглэлээр оролцогч талууд хамтран ажиллахаар тохиролцлоо.
Дэлгэрэнгүйг: https://mongwbl.mn/?fbclid=IwAR0T4Y_VVoaFikN9xRXHFIb3OLLHBxfqntYMQmyLWwNXn2s6AD3EA9mIdHk
Монгол улсын дээд боловсролын тогтолцоонд улсын Тессалоник хотын Македони Их сургууль дээр 06.12-14 хооронд амжилттай зохион байгуулагдлаа.
Сургалтаар Македони их сургуулийн багш банк даатгал, аялал жуулчлалын багш нар, оюутнууд, ажил олгогч нар оролцож Ажлын байранд суурилсан сургалтыг нэвтрүүлж, төгсөгчдийн ажил эрхлэлтийг нэмэгдүүлэх нь” төслийг хэрхэн үр өгөөжтэйгээр хэрэгжүүлж байгаа, мөн Ажлын байранд суурилсан сургалтад хамрагдснаар оюутнуудад ямар өгөөжтэй байсан, ямар ур чадваруудыг эзэмшсэн, юу суралцсан талаарх туршлагаасаа танилцууллаа.
Оюутнууд ажлын байранд суурилсан сургалтад хамрагдаж, өөрийн эзэмшсэн мэргэжлээрээ ажиллаж, өөрийн хөгжлийн карьераа олж авсан тухайгаа ярьлаа. Дашрамд дурьдахад Грек улс нь аялал жуулчлалын салбараас олдог орлого нь цар тахлын өмнө буюу 2019 оны байдлаар нэг хүнд оногдох ДНБ-ний 20,7 хувийг эзэлдэг байсан бол цар тахлын дараа энэ тоо 14,9 хувь болж буурсан байна.
Тессалоник хот нь газар дундын тэнгисээр хүрээлэгдсэн бөгөөд энэхүү газар зүйн онцлогоо түшиглэн усан онгоцны аялал жуулчлал сүүлийн жилүүдэд эрчимтэй хөгжиж байгаа төдийгүй олон түүхийн үзвэр, музей, хуучин хотын тууриудыг сонирхон үзэх боломжтой ба 2023 оныг “Тессалоникид зочлох жил” болгон зарласан байна. Тессалоник хотын аялал жуулчлалын газар нь төрийн байгууллага боловч үйл ажиллагаагаа хувийн компаниудаар гэрээлэн гүйцэтгүүлдэг бөгөөд төв Македоний захиргаа, худалдаа аж үйлдвэрийг танхим, Тессалоникийн Олон Улсын худалдааны байгууллага, Тессалоникийн усан боомтын захиргаа зэрэг байгууллагууд гишүүнээр ажилладаг тухай Аялал жуулчлалын газрын дарга Grigoris Toulias дурьдлаа. Сургалтын төгсгөлд нийт оролцогчдод амжилттай оролцсон тул батламж гардуулав.
Төслийн үндэсний багийн хэлэлцүүлэг болов.
Хэлэлцүүлгээр:
- Банк даатгалын хөтөлбөрийн FAM-ын сайжруулалт
- Аялал жуулчлалын хөтөлбөрийн FAM-ын сайжруулалт
- Төслийн хүрээнд хийж хэрэгжүүлэх ажлын төлөвлөлт
- Бодлогын баримт бичгийн эцэслэсэн хувилбар
- Төслийн хүрээнд цаашид анхаарч ажиллах, сайжруулах, идэвхжүүлэх ажлуудыг хэлэлцлээ
Хэлэлцүүлгийн үр дүнд сайжруулсан хөтөлбөрүүдэд бусад оролцогч талуудын саналыг нэмж тусган сайжруулахаар болов.
Тус хэлэлцүүлэгт СЭЗИС, ХААИС СУИС. МАЖХ Төрийн банкны ажлын хэсгийнхэн оролцлоо.
Хамтран ажиллаж буй та бүхэндээ талархал илэрхийлье.
“Монголын дээд боловсролын тогтолцоонд ажлын байранд суурилсан сургалтыг нэвтрүүлж, төгсөгчдийн хөдөлмөр эрхлэлтийг нэмэгдүүлэх” /MONGWBL/ төслийн хүрээнд Санхүү Эдийн Засгийн Их Сургуулийн аялал жуулчлалын чиглэлээр суралцаж буй оюутнуудыг МАЖХ нь гишүүн байгууллагадаа дадлагажуулах ажлыг 2023 оны 04-р сарын 07-ны өдөр зохион байгууллаа.
ERASMUS + MONGWBL төслийн хүрээнд ажлын төлөвлөгөөний дагуу “Аялал жуулчлал” хөтөлбөрийн ажлын байранд суурилсан сургалтын уян хатан загварыг 2023 оны 04 сарын 25-ны өдөр СУИС-ийн Соёлын сургуулийн 223 тоот танхимд төслийн багийн гишүүд хуралдаж дахин хэлэлцлээ.
Уг хэлэлцүүлэгт:
- Монголын Аялал жуулчлалын холбоо (МАЖХ)
- Хөдөө аж ахуйн их сургууль (ХААИС)
- Соёл урлагийн их сургууль (СУИС)
- Отгонтэнгэр их сургууль (ОТИС)
- Санхүү эдийн засгийн их сургууль (СЭЗИС)
Дорнод Их сургууль (ДИС)-ийн төслийн багийн 8 гишүүн оролцож, 2022 оны 10 сараас эхэлсэн туршин хэрэгжүүлэлт ба ХБНГУ-ын Берлин хотод зохион байгуулагдсан сургалтын үр дүнгийн дагуу сургалтын уян хатан загварыг хэлэлцэн сайжруулав.
“Монгол Улсын дээд боловсролын тогтолцоонд ажлын байранд суурилсан сургалтыг нэвтрүүлж, төгсөгчдийн хөдөлмөр эрхлэлтийг нэмэгдүүлэх нь” төслийн багийн гишүүд 2023 оны 02 дүгээр сарын 10-ны өдөр МАЖХ-ны байранд хуралдаж, төслийн хүрээнд 2023 онд хийж гүйцэтгэх ажлын төлөвлөгөөг хэлэлцэн боловсруулав.
Төслийн хүрээнд Хөдөө Аж Ахуйн Их Сургууль болон Соёл Урлагийн Их Сургуулийн “Аялал жуулчлал” хөтөлбөрийн оюутнуудын дадлагын тайлан хамгаалалтыг 2023 оны 03 сарын 6 өдөр ХААИС-ийн Эрдмийн зөвлөлийн хурлын танхимд хийлээ. Тайлан хамгаалалтыг СУИС, ХААИС, МАЖХ хамтран зохион байгуулж ажил олгогчдоос “Амар зочлол”, “Блю тур интернэшнл”, “Нью жуулчин” тур операторууд, “Цэцэг”, “Кемпинский”, “Баянгол” зочид буудлууд, Цагаан лавай чуулга зэрэг байгууллагын төлөөлөл оролцож оюутнуудын мэдлэг, ур чадварт үнэлгээ өгч, санал хүсэлтээ илэрхийлэв.
Монголын Аялал Жуулчлалын Холбооны төслийн багийн гишүүд 2022 оны 11-р сарын 14-16-ний өдрүүдэд #Ажлын байранд суурилсан сургалтанд хамрагдан дадлагажиж байгаа оюутнуудын дадлагын явц, үр дүнгийн талаарх уулзалтыг зохион байгуулж тэдний санал сэтгэгдэл, тулгамдаж буй асуудлыг сонсож дадлагын явцтай танилцлаа.
