ЯПОНЫ ЗОЧИД БУУДЛУУДЫН АЧААЛАЛ ХАМГИЙН ДЭЭД ЦЭГТЭЭ ХҮРЭВ

Япон улсын зочид буудал, дэн буудлуудын захиалга, ачаалал дээд цэгтээ хүрчээ. Иений ханш суларсан нь олон улсын жуулчид, аялагчдыг Япон улсыг зорих хандлагыг нэмэгдүүлсэн гэж Японы Аялал Жуулчлалын Агентлагаас мэдээлсэн байна.

Тэдний мэдээлснээр 2024 он гарснаас хойш ойролцоогоор 50.9 сая гаруй хүн зочид буудалд хоноглосон бөгөөд энэ нь өмнөх оны мөн үетэй харьцуулахад 11.9% нэмэгдсэн үзүүлэлт юм. Гадаадын жуулчдын зочид буудалд хоноглосон тоо 38.1%-иар нэмэгдсэн бол Японы иргэдийн зочид буудалд хоноглох тоо 5%-иар нэмэгджээ.

Японыг зорих жуулчдын дийлэнх хэсгийг БНХАУ-ын жуулчид эзэлж байгаа бол АНУ-ын жуулчид удаалж байна.