Баруун бүсийн босоо тэнхлэгийн Азийн авто замын сүлжээний АН-4, Төв Азийн бүс нутгийн эдийн засгийн хамтын ажиллагааны хөтөлбөр CAREC-ийн 4”а” коридоруудтай холбогдох 745.8 км босоо тэнхлэгийн авто зам Монгол Улсын төсөв, БНХАУ-ын зээл, Азийн хөгжлийн банкны хөнгөлөлттэй зээл, буцалтгүй тусламжийн хөрөнгө оруулалтаар барьж өнөөдөр ашиглалтад орж байна.

Эх сурвалж: Зам, Тээврийн Хөгжлийн Яам

Аялал жуулчлалын салбарын ажилтан, албан хаагчид, хамтран ажилладаг байгууллагууд, гадаад дотоодын түншүүд аялагч, сонирхогч Та бүхэндээ Дэлхийн аялал жуулчлалын өдөр болон аялал жуулчлалын салбарын хувийн хэвшлийн хамтын нэгдэл мэргэжлийн холбоо үүсгэн байгуулагдсаны түүхт 30 жилийн ойн мэндийг хүргэж байна.

Дэлхийн аялал жуулчлалын өдрийг тохиолдуулан, МАЖХ, аялал жуулчлалын салбарт хувийн хэвшил үүсч хөгжсөний 30 жилийн ойн хүрээнд зохион байгуулж буй “Tourism technology and innovation” өдөрлөг Millennium Plaza зочид буудал Millennium Plaza Hotel Mongolia -д болж байна. 

Арга хэмжээг МАЖХ-ны Ерөнхийлөгч Д.Гантөмөр нээж үг хэллээ. Мөн БОАЖ-ын сайд Б.Бат-Эрдэнэ, БОАЖЯ-ны Төрийн нарийн бичгийн дарга Э.Баттулга нар оролцож үг хэллээ. 

“Tourism technology and innovation” өдөрлөг нь аялал жуулчлалын үйлчилгээ технологийг сайжруулах, шинэлэг санаа, инновацыг нэвтрүүлэх талаар туршлага судлах, салбар дундын хамтрагчдын хамтын ажиллагааны цар хүрээг тэлэх, салбарын шинэ ололт, тулгарч буй сорилт бэрхшээлийг талаар харилцан мэдээлэл солилцох зорилготой юм. 

Өдөрлөгт салбарын 100 орчим төлөөлөл, төр, хувийн хэвшил, төрийн бус байгууллагууд, олон улсын дэмжигч байгууллагуудын түншлэгч нар оролцож байна. 

Арга хэмжээ өнөөдөр 14:00 цаг хүртэл үргэлжлэх ба дараах илтгэлүүд тавигдана. Үүнд:

• “Аялал жуулчлалын салбарыг сурталчлах, таниулахад орчин үеийн дэвшилтэт технологийг ашиглах нь” - “Андориан” ХХК-ийн захирал, Дижитал Солюшнс компанийн Амбассадор Ч.Эрдэнэтуяа
• “Google технологийг аялал жуулчлалд ашиглах нь” - Нийслэлийн Бизнес инновац хөгжлийн газрын дарга Б.Бат-Өлзий
• “Аялал жуулчлалын брэнд бий болгож, хэрхэн үр дүнтэй маркетинг хийх вэ?”  - “Брэнд Артэ” компанийн үүсгэн байгуулагч, маркетингийн зөвлөх Б.Мөнгөнсар
• “Аялал жуулчлалын салбарын инженерийн дэд бүтцийн оновчтой шийдэл, байгальд ээлтэй технологиуд” - “Брэнд Артэ” компанийн Маркетингийн зөвлөх, Технологи хариуцсан захирал С.Ган-Од
• Mongolian tours.mn технологийн шийдэл - ITRIP ХХК захирал Б.Золбадрах
• “Аялал жуулчлалын салбарын цахим шилжилт”  - Жойнми Гүйцэтгэх захирал Б.Батбаатар
• “Хаягдал ус дахин цэвэршүүлэх” - Орон нутаг жуулчны баазуудад нэвтрүүлж буй шинэ технологийн танилцуулга - “Био септик сервис” ХХК-ийн менежер Х.Мөнхжаргал
• “Монгол улсын аялал жуулчлалын салбарт олон улсын байгууллагын  дэмжлэг, оролцоо, Монгол улс дах аялал жуулчлалын инновацын сорилтууд” – GIZ-н SPACES төслийн Хөгжлийн зөвлөх Маркус Пеш
• “Манай нутгаар зочлоорой” - Нутгийн иргэдэд түшиглэсэн аялал жуулчлалд зориулсан гарын авлагын танилцуулга - “Хүн төвтэй байгаль хамгаалал” ТББ-ын захирал Я.Нарангэрэл, зохиогчдын төлөөлөл

Европын холбооны санхүүжилтээр хэрэгжүүлж байгаа Erasmus+MONGWBL төсөл нь их, дээд сургуулиудын дадлагын тогтолцоог сайжруулах, үр дүнтэй дагалдан сургалт, ажлын байранд суурилсан сургалтыг нэвтрүүлж, төгсөгчдийн хөдөлмөр эрхлэлтийг нэмэгдүүлэх зорилготой. Төсөлд оролцогч талуудын чадавх бэхжүүлэх “Ажлын байранд суурилсан сургалт”-ын чиглүүлэх сургалтыг өнөөдрөөс эхлэн гурван өдрийн турш амжилттай зохион байгуулж өндөрлөлөө.

Европын сайн туршлагад үндэслэн боловсруулсан “Ажлын байранд суурилсан сургалтын бодлогын баримт бичиг, банк, даатгал, аялал жуулчлалын хөтөлбөр”-ийн ажлын байранд суурилсан сургалтын загварыг их сургуулиудад туршин хэрэгжүүлэх чадварыг уг сургалтаар олгох юм.

Сургалтад их, дээд сургуулийн багш, оюутнууд, ажил олгогч, ажлын байранд суурилсан сургалтын зохицуулагч, чиглүүлэгч, БШУЯ-ны удирдлага, мэргэжилтэн зэрэг нийт 70 орчим төлөөлөл оролцож байна. Сургалтын үр дүнд ажлын байранд суурилсан сургалтын суралцахуйн үр дүн, хэрэгжүүлэх үе шат, давтамж, хяналт үнэлгээ, оюутны үнэлгээ, чанарын баталгаажуулалт, сайжруулалтын талаарх Европын туршлагад суралцана. Энэхүү ажлын байранд суурилсан сургалт нь их, дээд сургуулийг “Сургалт-судалгаа-үйлдвэрлэл”-ийн цогцолбор болгон хөгжүүлэхэд хувь нэмэр оруулах юм.

Форумд БНХАУ-аас Монгол улсад суугаа Элчин сайдын яамны соёлын зөвлөх, Улаанбаатар дахь Хятадын соёлын төвийн дарга Чэнь шуан, МАЖХ-ны Ерөнхийлөгч Д.Гантөмөр, Гүйцэтгэх захирал Д.Отгонбаяр, НАЖГ-ын дарга Д.Батсүх, НАЖГ-ын Бодлогын хэрэгжилтийн хэлтсийн дарга В.Батчимэг мөн аялал жуулчлалын компаниудын төлөөллүүд оролцож байна. 

Форумаар

• Цар тахлын өмнө Хятад Монгол хоёр улсын аялал жуулчлалын хамтын ажиллагааны туршлага болон үр дүн
• Цар тахлын үед Хятад Монголын аялал жуулчлалын салбарт тулгамдсан асуудлууд
• Цар тахлын дараах Хятад Монголын аялал жуулчлалын хамтын ажиллагаа, хөгжил, хэтийн зорилгын талаар нээлттэй хэлэлцэж санал солилцлоо. Мөн  Тэнгэр трэйвэл, Хаппи сити групп, Их хаадын өргөө, Их аян өргөө, Морнинг клор зэрэг аялал жуулчлалын компаниуд оролцож танилцуулга хийлээ.

Монгол Улсын тогтвортой аялал жуулчлалыг дэмжих, тогтолцоог бүрдүүлэх зорилгоор Японы олон улсын хамтын хамтын ажиллагааны байгууллага (ЖАЙКА)-с ирэх 11 дүгээр сараас эхлэн зөвлөх үйлчилгээний төлөөлөгч Монгол Улсад ажиллахаар болж байна.

Энэхүү ажлын хүрээнд хамтран ажиллах аялал жуулчлалын салбарын төрийн бус байгууллага болон салбарын мэргэжлийн байгууллагуудтай мэдээлэл солилцож, үйл ажиллагаатай танилцах зорилгоор ЖАЙКА -ийн суурин төлөөлөл, албаны бусад хүмүүс өчигдөр ( 2022.07.28) МАЖХ-ны төлөөлөлтэй уулзаж, санал солилцлоо.

Японы олон улсын хамтын ажиллагааны байгууллагаас Монгол Улсын аялал жуулчлалын тогтвортой хөгжлийн нэгдсэн судалгаа гаргасныг МАЖХ гишүүн байгууллагууддаа хүргэж ажиллаа. Тус судалгаа нь 1999 онд гарсан "Монгол Улсын аялал жуулчлалыг хөгжүүлэх мастер төлөвлөгөө боловсруулах судалгаа"-наас хойшхи аялал жуулчлалын талаарх анхны бүрэн хэмжээний судалгаа юм.

Монгол Улсын Засгийн газраас 2022 оны 2 дугаар сарын 14-ний өдөр олон улсад нээлттэй улс болсноо албан ёсоор зарлаж, хилээ нээсэн билээ. Шинэ сэргэлтийн бодлогын хүрээнд эдийн засгийн нөхцөл байдлыг богино хугацаанд сэргээх, эдийн засгийн голлох салбарын нэг аялал жуулчлалын салбарыг эрчимтэй сэргээх бодлого, арга хэмжээг үе шаттай хэрэгжүүлж эхлээд байна. Үүнд:

• Монгол Улсад ирэх гадаадын иргэд, жуулчдаас шаардах эрүүл мэндийн шаардлагыг хөнгөвчилж вакцин хийлгэсэн байх шаардлагыг цуцлах, Монгол Улсад вакцин хийлгэх боломжтой талаар мэдээлэх;
• Монгол Улсын аль ч хэсэгт аялж байснаас үл хамааран эрүүл мэндийн тусламж, үйлчилгээг бүх шатны эрүүл мэндийн байгууллагаар дамжуулах шуурхай авах нөхцөлийг бүрдүүлэх; 
• Европын зах зээлээс ирэх жуулчдын урсгалыг нэмэгдүүлэх зорилгоор Франкфуртын нислэгийн давтамжийг 7 хоногт 4 нислэгтэй байсныг 5 удаа болгон нэмэгдүүлэх;
• Олон улсын болон дотоодын нислэгийн тоо, давтамжийг нэмэгдүүлэх, тогтвортой байлгах зорилгоор агаарын тээврийн компаниудад хөнгөлөлттэй зээл олгох, зарим татвараас чөлөөлөх;
• Монгол Улсын аялал жуулчлалын голлох зах зээлийн орон болох БНСУ-ын аялагчдыг 90 хүртэлх хоногийн хугацаатай визгүй зорчих боломжийг 2024 он дуустал олгох;

Аялал жуулчлалын салбарын үйл ажиллагааг дэмжих зорилгоор 2023-2024 оныг “Монголд зочлох жил” болгон зарлах зэрэг томоохон шийдвэрүүдийг гаргаад байна.

Дээрх шийдвэрүүдийн үр дүнд гадаадын хөрөнгө оруулагч, жуулчдад нээлттэй 49 орны нэг болж 7 дугаар сарын 18-ны байдлаар нийт 96536 жуулчин аялсан байгаагаас ОХУ-аас 45425, Өмнөд Солонгосоос 14282, Казакстан Улсаас 10368 жуулчид голлон аялсан үр дүн гараад байна.

Эх сурвалж: БОАЖЯ